أيه الاهم؟

طبعا المفرووض
اول حاجه فى حياتى يكون ربنا
والخدمه

وبعدين يجى اسرتى ودراستى واصحابى
مش عارف انا عمرى ما فكرت فى ترتيبهم
عشان كده حاسس انى متلخبط شويه

معلشي يا باسم .. شوية توضيح .. بالترتيب أكتر

يعني هاحط شوية إختيارات كدا وعايزة حد يرتبهوملي .. طبعاً مش دول بس الاختيارات اللي في حياتنا .. بس دول شوية منهم..

البيت (الأسرة يعني .. بابا وماما وأخواتي) طبعاً مش هاغلس عليكم وأقول بابا لوحده وماما لوحدها .. وكل أخ من أخواتي لوحدهم بس هاقول البيت على بعضه.
العيلة الكبيرة بتاعتي..
الكنيسة (أقصد بيها الخدمة)
الشغل (أو الدراسة بتاعتي)
أصحابي (سواء اللي في الدراسة أو في الكنيسة أو الشغل)
الله
شريك حياتي (دا طبعاً للناس اللي فيه شريك حياتهم معاهم .. مش كله يعني بس اللي مش ليه .. يفكر لما يبقى ليه هايحطه رقم كام)

يلا بقى عايزة اسمع أحلى كلام وعلى فكرة .. مش شرط أبداً ان ترتيبنا كله يكون واحد

انا اولوياتي ان علاقتي بربنا تكون قويه

وطبعا تاني حاجه هي كنيستي اللي انا بحبها قوي

وبعدين الاسره بابا وماما واخواتي

وبعدين اصحابي

شكرا ارورا على الموضوع الحلو ده

انا اعتقد ان ترتيبهم الصح هيكون كالاتي
الكنيسة
البيت عشان الكتاب بيقول (من لايعتني بخاصته ولا سيما اهل بيته فقد انكر الايمان وهو شر من غير المؤمن )
ولو في شريك حياة هيبقى التالت
الشغل
اصحابي

بس بصراحة انا مرتباهم غير كده انا مرتباهم كالاتي
الكنيسة
اصحابي
الدراسة اوالشغل
البيت

جميل بجد ترتيبكم .. وشكراً لردكم ... بس هسأل ليه الترتيب دا بالذات من كل واحد حط ترتيبه

انا قلت الكنيسة في الاول لان الكتاب بيقول

( من احب ابا او اما او ابن او ابنا او زوجة اكتر مني فلا يستحقني )
والبيت عشان الكتاب برضه بيقول
من لا يعتني بخاصته ولا سيما اهل بيته فقد انكر الايمان وهو شر من غير المؤمن )
شريك الحياة عشان دا جزء من خاصتي برضه
الشغل او الدراسة عشان المفروض دي وزنة وانا لازم احافظ عليها والكتاب بيقول
( كنت امينا في القليل اقيمك على الكثير )
وأصحابي بعد كده عشان هما اصحابي

بس

شكرا

شكراً شباب على مشاركاتكم الجميلة في الموضوع .. فعلاً انتم جواكم كنز جميل ..
الله لما خلق الانسان عمل كل حاجة حواليه .. بس لما شافه قال ناقصه حاجة واحدة .. اللي هي (ليس جيداً أن يكون أدم وحده.. أصنع له -شريك- معين نظير..) علشان كدا من الاول اتحطت الاولويات دي
يبقى أول حاجة لازم ناخد بالنا منها واحنا بنرتب اولوياتنا هي الله اللي عمل كل حاجة علشان يخضعها لينا ..
بعدها شريك حياتي .. لأننا بقينا جسد واحد وروح واحدة
بعدها خدمة بيت ربنا .. اللي بدأتها من جوة بيتي الاول
وبعدها أهلي ومعارفي اللي اعرفهم
وبعدهم أصحابي وحياتي الإجتماعية التانية

كل شيء بنظام وبترتيب وبلياقة ..
وبالمناسبة دي هاحطلكم قصة عن مدرس دخل فصل المدرسة بتاعته وجايبلهم برطمان أزاز كبيييييير .. يشيل حاجات كتير اوي .. وملاه كله بكورات البينج بونج .. وبعدين سأل التلاميذ .. يا ترى فيه مكان تاني في البرطمان .. طبعاً الكل قال لأ .. البرطمان اتملى لأخره .. ساعتها راح حاطط فيه حصى وزلط صغير .. ولأن فيه فراغات بين الكور دخل الحصى بين الكور واخد مكانه .. ساعتها سأل المعلم التلاميذ هل فيه مكان تاني .. بردو رد التلاميذ كان لأ مافيش مكان تاني .. راح جايب رمل ناعم وحطه على البرطمان وهز البرطمان هزات خفيفة .. الرمل دخل جوة الفراغات ما بين الحصى واخد مكانه .. لأنه كان ليه مكان وقتها
بعدها سأل المعلم .. هل فيه مكان تاني في البرطمان .. لأن البرطمان كان اتملى على الاخر .. التلاميذ قالوا طبعاً لأ... راح المعلم جاب فنجان قهوة ودلقه على وش البرطمان . وطبعاً الرمل والحصى ادى فرصة للقهوة إنها تنزل بردو جوة البرطمان ...
كان سؤال التلاميذ هنا .. يعني ايه اللي بيحصل دا..
قالهم ببساطة إن البرطمان دا هو حياتي وعقلي وتفكيري...
لو من الاول حطيت الرمل أو الحصى .. ماكنش هايبقى فيه مكان تاني ينفع أحط أي حاجة تاني جوة البرطمان..
لكن لما أخترت الحاجة المهمة في الاول .. اللي هي كورات البينج بونج .. واللي بتمثل علاقتي بربنا .. صحيح طلع مافيش وقت تاني في حياتي .. بس لما جيت حطيت الحاجات الاقل شوية في الاهمية زي الحصى .. واللي بتمثل علاقتي بشريك حياتي .. كان ليها مكان كبير جداً .. واللي سمع ان يكون ليها مكان كورات البينج بونج .. وبعدها حطيت الرمل اللي بتمثل شغلي ودراستي .. صحيح بان ان مافيش مكان تاني في البرطمان .. وان البرطمان اتملى لأخره .. لكن طلع ان لسه فيه مكان تاني ينفع اخد فنجان قهوة مع اصدقائي واحبائي وهايكون ليه هو كمان وقت ..

مرة تاني بشكركم على مشاركاتكم .. وربنا يدي لكل واحد فينا إنه يتمتع بوقته بالطريقة الصحيحة .. ويعرف يرتب وقته في كل لحظة ...
آمين