صلوللللللللللللى

أنا يا جماعة طالب صلواتكم علشان انا عندى فى المدرسة عيال مش تمام صلولى ان الرب يستخدمنى وسطهم وخاص أربعة أسمهم مينا عجايبى مكاريوس أنطونيوس أنا كلمتهم لكن انا واثق ان كلمت اللة لا ترجع فارغة

امين ستيفن ربنا يباركك
ويستخدمك لمجد اسمه
انا عن نفسى هاصلى مخصوص عشان الموضوع ده
واتمنى انه باقى الاعضاء يشاركونا

امين يا كوكو ربنا يستخدمك وسطيهم
وانا مبسوطه قوى من حماسك ده
واحتمال كبير طبعا ان اصحابك يرفضوا كلامك بس احب اشجعك اخويا
لو انت بتظهر صوره يسوع اللى ساكن فيك اكيد هما هيشوفوها وهيبقى نفسهم يتغيروا
ربنا يساعدك واوعى تزهق او تبطل صلاه عشانهم
ربنا معاك يا كوكو ويبقى طمنا بكل جديد

شكراً أوى يا جماعة على مشاركتكم ليا وانا فعلاً دلوقتى فى 4 بيجو ألكبيسة معايا وانا ملاحظ ان الرب بيتعامل معاهم

يارب يسوع أنا بصلي علشان أصحاب ستيفين في المدرسة .. بصلي انك تيجي بتغير على حياتهم .. تفتح عنيهم .. ويشوفوا النور من جديد .. بصلي انك تدي لكل واحد منهم انه يشوف اد ايه محبتك للبشر .. بصلي علشان تعمل تغيير كبير اوي يفرق .. ويتقال عليهم دول ولاد المسيح من غير ما الناس تعرفهم .. بصلي يارب بلهجة الحب اللي علمتنا نصلي بيها دايماً. وأنا كلي إيمان إنك هاتعمل في الارض الرديئة وتخليها جيدة خصبة لكلمتك..
كمان بصلي علشان ستيفين .. انك تستخدمه .. وتغير فيه أكتر .. وتشرق بنورك عليه اكتر.. وتحول فكره نحيتك ويعاين نورك ويكلم الناس عنك بكل مجاهرة ...

ليك كل مجد واكرام وعزة إلى ابد الابد .. آمين

امين يا كوكو ربنا يستخدمك ان تغير العيال دولت اللى الاحسن

آمين صديقي
الرب يباركك ويحميك ويجعلك مشعل يستعمله ليبدد ظلمة النفوس ويخلص من لا رجاء لهم