لقلبك وقلبى .. وبلغة بلدى
أمل جديد ..
أشير عليك أن تشترى منى...
رؤيا3 :18
وفى الأمل دائما تشرق الشمس
وتجمل الحياة
والجمال يفعل الأمل لتستطيع أن ترى الوجوه كلها جميلة
لا تستطيع أن تفرق بين ..المزوق والملخبط
وتصنف الناس على كيفك ..
وتخطئ كثيرا وتظلم أكثر ..
فأنت تغتنى بالحب إذ ترى القلوب وتتعامل مع القلوب ,,
ولأن العالم لم يعد اليوم بريئا أو فطريا كما كان يرتع فى البساطة زمان
لذا نجد البدائل الجافة حلت وتربعت فى كل شيئ
الشراء شغال ..
والبيع أكتر .
.مزاد دائم .
وقلوبنا قربت تفضى وتكركر..
تشرق وتجف !!!
مخازن النقاء فى عواطفنا ومشاعرنا وكمان فى عطايانا ..
قل خزينها .. وشحت ( زلع العطاء ) من بيوتنا ..
زمان كان فيه فى بيوتنا أوضة رئيسية مهمة جدا
تسمى أوضة الكرار
أيام ما كانت البيوت بيوت مش علب ..
فيها تجد كل شيئ بوفرة ..
خزين البيت من كل الخيرات ,,
ولو كل ساعة خبط على بابك محتاج حايلاقى عندك الخير
إيه اللى جرى ؟؟
ضاقت الشقق وبقت طرقات نمشى فيها بالورب ونستنى بعض مينفعش نعدى إتنين !!!
تمام زى القطر المعدى على الشريط المفرد فى السكة الحديد ّ
إيه اللى جرى فى بيوتنا
والأصح
من اللى حصل فى قلوبنا ؟؟
ليه خلينا كل حاجة ضيقة و جافة .!!
ناشفة
مش بأتكلم هنا عالفلوس قد ما بأقصد المشاعر جوة القلوب.. ..
الكلمة الحلوة متوصلش ,,
ومتتسمعش.. تحاول ..
تدوبها تتحجر وتجرح حلقك
تبلعها متتبلعش
تقرقشها تكسر أسنانك
المعاملة ناشفة ..بين الخلق ..
والحسنة اللى عايز تديها متطلعش من جيبك بسهولة ..
ماسكة فى بطانة الجاكتة وبتستخبى من صوابعك
يمكن علشان حاسة إننا متبتين فيها ومش سهل نفارقها
إيه اللى جرى يا ولادى ؟؟
فين راحت أوضة الكرار من بيوتنا ؟؟
أسألوا والديكم عنها !!
يحكولكم عن خيرها وعطيتها ..
ليه همشناها من بيوتنا ..
وقفلنا ملفها من شققنا ..؟.؟؟
دردشتى دى معاكم بخصوصها ..
ممكن نحدثها وترجع تكون فى قلوبنا,,
جربوا يا حبايبى تعيدوا الغنى لحياتكم ..
والرحمة لقلوبكم ..
تزودوا بغنى المسيح .
اللى عارضه عليكم مجانى ..
شوفوا وبصدق (الهلاهيل) اللى لابسينها وفاكرين إنها ساترانا
ومغطياناوكمان عايزين نغطى بيها غيرنا !!
دة كلام وإحنا ولاد وبنات الملك
جربوا تلبسوا الفضة والذهب من مخازنه وببلاش !! ..
وتنوروا بكحله الربانى عيونكم ..
حا تشوفوا أحلى وأجمل صورة ..
متدوروش كتير على أصغر عملة فى جيوبكم وتقولوا أهو اللى موجود
أفكركم بالصورة الجميلة اللى إتعلمناها من سنين وإحنا فى مدرسة الأحد ,,
أظنكم لسة ما نسيتوهاش ’’
الست الفقيرة اللى بتحط القرشين اللى حيلتها فى خزانة الرب يسوع
.
حاول يا غالى .
تبل اللقمة الناشفة قبل ما تعطيها للى معندهوش أسنان علشان متكسرش الباقيين له ..
حسنتك تبقى مقبولة .
وإوعى (كرارك) يفضى
خليه دايما مليان بالحب ..
إعمل له مخزن جواك ..
بالخير عمره ما يفضى .
عارف ليه ؟؟
عشان إستثماره دايم
والعائد بتاعه حقيقى ومش عايم ...
متخفش يا إبنى من الخير .مش حا تفلس
.
إحساسك بالناس خليه إحساس جميل ..
متشوفش فيهم الوحاشة وتقلب صورهم من قدامك ؟؟
يمكن ترجع تشوفهم تانى وتلاقى فيهم حاجة تتحب !!
.
كلنا وشوشنا حا تكرمش ..
وشعرنا حا يبيض .
وحا نبص فى صورنا من سنين ونقول ,,
هو دة إحنا ؟؟؟.
لكن لو كنا بنشوف بالقلب مكنش دة كلامنا وقولنا
!!
إبنى وإبنتى ..
إلحقإفتح وعمر الأوضة المقفولة فى قلبك ..
وزينها بأحلى صور المحبة.. نورها..
علق على حيطانها لوحات من الزهور
وإرسم فيها بأحلى الألوان..
نورها بفولت عالى وبلاش اللمبة نمرة خمسة ..
معادتش بتنور وريحة الجاز بتخنق .
وعشان تشوف الناس كويس وتحبهم نورلهم بيتك..
أقصد قلبك ..
وإفرش لهم كنبتك ..
أقصد مشاعرك ..!!
وعلق لهم يافطة يقروا فيها سطرين من حبك ..
أقصد عطائك ..
وعمار يا حب ..
وإلى لقاء جديد ..
وإنتم بخير
بابا سمير
أمل جديد ..
أشير عليك أن تشترى منى...
رؤيا3 :18
وفى الأمل دائما تشرق الشمس
وتجمل الحياة
والجمال يفعل الأمل لتستطيع أن ترى الوجوه كلها جميلة
لا تستطيع أن تفرق بين ..المزوق والملخبط
وتصنف الناس على كيفك ..
وتخطئ كثيرا وتظلم أكثر ..
فأنت تغتنى بالحب إذ ترى القلوب وتتعامل مع القلوب ,,
ولأن العالم لم يعد اليوم بريئا أو فطريا كما كان يرتع فى البساطة زمان
لذا نجد البدائل الجافة حلت وتربعت فى كل شيئ
الشراء شغال ..
والبيع أكتر .
.مزاد دائم .
وقلوبنا قربت تفضى وتكركر..
تشرق وتجف !!!
مخازن النقاء فى عواطفنا ومشاعرنا وكمان فى عطايانا ..
قل خزينها .. وشحت ( زلع العطاء ) من بيوتنا ..
زمان كان فيه فى بيوتنا أوضة رئيسية مهمة جدا
تسمى أوضة الكرار
أيام ما كانت البيوت بيوت مش علب ..
فيها تجد كل شيئ بوفرة ..
خزين البيت من كل الخيرات ,,
ولو كل ساعة خبط على بابك محتاج حايلاقى عندك الخير
إيه اللى جرى ؟؟
ضاقت الشقق وبقت طرقات نمشى فيها بالورب ونستنى بعض مينفعش نعدى إتنين !!!
تمام زى القطر المعدى على الشريط المفرد فى السكة الحديد ّ
إيه اللى جرى فى بيوتنا
والأصح
من اللى حصل فى قلوبنا ؟؟
ليه خلينا كل حاجة ضيقة و جافة .!!
ناشفة
مش بأتكلم هنا عالفلوس قد ما بأقصد المشاعر جوة القلوب.. ..
الكلمة الحلوة متوصلش ,,
ومتتسمعش.. تحاول ..
تدوبها تتحجر وتجرح حلقك
تبلعها متتبلعش
تقرقشها تكسر أسنانك
المعاملة ناشفة ..بين الخلق ..
والحسنة اللى عايز تديها متطلعش من جيبك بسهولة ..
ماسكة فى بطانة الجاكتة وبتستخبى من صوابعك
يمكن علشان حاسة إننا متبتين فيها ومش سهل نفارقها
إيه اللى جرى يا ولادى ؟؟
فين راحت أوضة الكرار من بيوتنا ؟؟
أسألوا والديكم عنها !!
يحكولكم عن خيرها وعطيتها ..
ليه همشناها من بيوتنا ..
وقفلنا ملفها من شققنا ..؟.؟؟
دردشتى دى معاكم بخصوصها ..
ممكن نحدثها وترجع تكون فى قلوبنا,,
جربوا يا حبايبى تعيدوا الغنى لحياتكم ..
والرحمة لقلوبكم ..
تزودوا بغنى المسيح .
اللى عارضه عليكم مجانى ..
شوفوا وبصدق (الهلاهيل) اللى لابسينها وفاكرين إنها ساترانا
ومغطياناوكمان عايزين نغطى بيها غيرنا !!
دة كلام وإحنا ولاد وبنات الملك
جربوا تلبسوا الفضة والذهب من مخازنه وببلاش !! ..
وتنوروا بكحله الربانى عيونكم ..
حا تشوفوا أحلى وأجمل صورة ..
متدوروش كتير على أصغر عملة فى جيوبكم وتقولوا أهو اللى موجود
أفكركم بالصورة الجميلة اللى إتعلمناها من سنين وإحنا فى مدرسة الأحد ,,
أظنكم لسة ما نسيتوهاش ’’
الست الفقيرة اللى بتحط القرشين اللى حيلتها فى خزانة الرب يسوع
.
حاول يا غالى .
تبل اللقمة الناشفة قبل ما تعطيها للى معندهوش أسنان علشان متكسرش الباقيين له ..
حسنتك تبقى مقبولة .
وإوعى (كرارك) يفضى
خليه دايما مليان بالحب ..
إعمل له مخزن جواك ..
بالخير عمره ما يفضى .
عارف ليه ؟؟
عشان إستثماره دايم
والعائد بتاعه حقيقى ومش عايم ...
متخفش يا إبنى من الخير .مش حا تفلس
.
إحساسك بالناس خليه إحساس جميل ..
متشوفش فيهم الوحاشة وتقلب صورهم من قدامك ؟؟
يمكن ترجع تشوفهم تانى وتلاقى فيهم حاجة تتحب !!
.
كلنا وشوشنا حا تكرمش ..
وشعرنا حا يبيض .
وحا نبص فى صورنا من سنين ونقول ,,
هو دة إحنا ؟؟؟.
لكن لو كنا بنشوف بالقلب مكنش دة كلامنا وقولنا
!!
إبنى وإبنتى ..
إلحقإفتح وعمر الأوضة المقفولة فى قلبك ..
وزينها بأحلى صور المحبة.. نورها..
علق على حيطانها لوحات من الزهور
وإرسم فيها بأحلى الألوان..
نورها بفولت عالى وبلاش اللمبة نمرة خمسة ..
معادتش بتنور وريحة الجاز بتخنق .
وعشان تشوف الناس كويس وتحبهم نورلهم بيتك..
أقصد قلبك ..
وإفرش لهم كنبتك ..
أقصد مشاعرك ..!!
وعلق لهم يافطة يقروا فيها سطرين من حبك ..
أقصد عطائك ..
وعمار يا حب ..
وإلى لقاء جديد ..
وإنتم بخير
بابا سمير