من طرف the golden r الإثنين 18 فبراير 2008 - 14:04- مرة واحد بلدياتنا ركب القطر وطللع ايده من الشباك جه قطر تاني قطعهاله قال: يابوي الساعة راحت!!!
مرة واحد بلدياتنا وواحد امريكي وواحد الماني كانوا تايهين في الصحراء .. لقيوا خاتم سليمان ..طلع المارد وقال: كل واحد ليه امنية واحدة..الامريكي قال: انا حايز اروح بيتي في امريكا ..المارد روحه..الالماني قال: انا حيز اروح بيتي في المانيا.. المارد روحه..بلدياتنا قال: هو انا حقعد لوحدي هاتهم تاني
مرة واحد بلدياتنا سافر امريكا وركب الاتوبيس ..داس علي رجل واحدة راكبة راحت قالتله: اوو سوفاج.. راح قلها : لع لع سوهاج سوهاج..قالتله: وات؟؟... قالها: احسن ناس الواطايطة
مرة مرشد سياحي كان معاه سايح امريكي..المرشد كان عايز يبهر الامريكي بالابراج والمباني الكبيرة فعدي جنب برج 20 دور وقال للامريكي: شايف البرج ده احنا بنيناه في 6 اشهر بس... الامريكي قاله: وايه يعني احنا عندنا بنبني اكبر منه في شهر..وكل مرة كده اي مبني يقوله عليه الامريكني يقوله انهم بنوا اكبر منه وفي وقت ااقل.. راح المرشد اخد السايح الاهرامات راح السايح الامريكي انبهر وقال: ايه المباني العظيمة دي ... راح المرشد قال: مش عارف ياخي انا عديت امبارح هنا مكنوش موجودين
مرة واحد طيب بيروح القهوة وكان بيجي واحد غتت ويقعد جنبه بعدين يروح يرمي علي الارض بريزة يوطي الطيب يجبها يروح التاني مديله علي قفاه..كل مرة كده يوطي يجيب البريزة يروح التاني مديله علي قفاه.... راح الطيب سأل واحد صاحبه يعمل ايه راح قاله: بسيطة ارمي انت بريزة واديله علي قفاه... راح الطيب القهوة وقعد وراح رامي البريزة.. راح الغتت قال: شوف الاهبل رمي ربع جنيه مخروم.. راح الطيب وطي يبص راح التاني مديله علي قفاه
مرة واحد كن بيشتكي من القمل الكتير اللي في راسه راح واحد صاحبه قاله: انت تغسل راسك بميه سخنة قوي القمل حيموت.... راح الراجل غسل
راسه بالمية السخنة..وراح ينام سمع قملة بتقول لقملة تاني: النهاردة كان في موجة حر جامدة بس كويس عديت بدون ضحايا
راح صاحبة قاله:خلاص اغسله بمية متلجة........راح الراجل غسل راسه وبعدين راح ينام سمع القملة بتقول: النهردة كان في موجة برد جامدة بس عدت بدون ضحايا.....راح صاحبة قاله:مفيش حل غير انك تركب الاتوبيس وتلزق دماغك مع راس واحد تاني يروح القمل سايب راسك ويروح لراس التاني.. راح التاني ركب الاتوبيس وعمل زي اللي قال عليه صاحبة ورجع البيت فرحان..راح ينام سمع القملة بتقول: النهاردة كان في حرب جامدة بينا وبين القمل في راس معادية بس الحمد لله انتصرنا واسرنا5000 اسير
مرة واحد كان بشتكي من الديدان اللي في بطنه راح واحد صاحبة قاله : انت تجيب بطيخة كبيرة وتقطعها وتقعد عليها رئيس الديدان حينزل حيدوق البطيخة حيقول شباب .انزلوا وبكده تحل مشكلتك... راح الراجل نفذ كل حاجة..نزل رئيس الديدان داق البطيخة قال: شباب ..طلعوها
- ايه قمة الالم؟؟
- طبعا الاستيكة
- ابه قمة الالم الحقيقي؟؟؟
- انك تتزحلق عي شفرة موس وبعدين تقع في طشت كلونيا
- ايه قمة الادب؟؟
- انك تخبط علي التلاجة قبل ما تفتحها
- ايه قمة الدهشة؟؟
- ان واحد يفتحلك من جوة التلاجة
- ايه قمة الملل؟؟
- انك تقعد تسمع في شريط فاضي
- ايه قمة الغتتاتة؟؟
- ان واحد صاحبك ياخد منك الشريط علشان يسجله
ههههههههههههها 
