كلام الناس

هل راىء الناس مهم بالنسبة لينا وممكن يغير اهم قرارات فى حياتنا ؟ لمحاولة اظهار انفسنا ناجحين فى نظر الناس وبالتالى يكون مهم اووووووووى راىء الناس فيا وفى حياتنا الروحية والزمنية ( الكلية - الزواج - شغلى0000000) عايزة اعرف رايكم ربنا يباركم

متهيألى اوقات كلام الناس بيأثر جامد على قراراتى
يعنى اوقات الناس هما اللى بيحددوا اصحاب البنت دى ولا لا وحاجات زى كده
بس اوقات تانيه مش بيهمنى رأى الناس
وطبعا فى حياتى الروحيه مش باخد على رأى الناس اساسا
لانى الناس مش عايزانى اخلص وكمان الناس بيتهموا اولاد ربنا انهم مش عارفين يعيشوا الدنيا صح او مزودينها حبتين
وطبعا ده عكس اللى اولاد الله بيبقوا شايفينه

كلام جميل جدا ربنا يباركك يا فيولا

مرسى اوى على ردك يا فيولا اكيد فى سعات كلام الناس بيكون لية تاثير كبير على قراراتى بس هما مش هايعرفونى اكتر من اللى خلقنى وطبعا راى الرب فى قراراتى مهم اوى علشان هو عارف انا انفع فية بس ممكن كلام الناس يكون من الرب ليا ؟؟؟؟

سورى اوى على الغلط دة سورى خالص

طبعا كلام الناس ممكن يكون من ربنا وده اللى انا كان قصدى فى انهم بيحددوا اصاحب مين لان ربنا ممكن يشوف ان البنت دى متنفعش تكون صاحبه حقيقيه ليا ويوصلى ده عن طريق الناس
بس اوقات كتيره كلام الناس مش بيبقى من ربنا وده اللى وضحته فى كلامى عن حياتى الروحيه
ميرسى خالص ليكم واحب اسمع باقى الاراء

ازيكم
انا بحب جدا المواضيع اللى انت بتناقشوها وبحب كمان اشاركم
موضوع كلام الناس دة موضوع كبير جدا ... واعتقد مش من الصح ان كلام الناس يأثر فى قرارات مهمة فى حياتنا ذى (الكلية، الشغل، الزواج) لان الناس دايما بتتكلم بناء على المظهر الخارجى .... يعنى مش بتعرفاية التفاصيل بعدين تتكلم وتحكم. واعتقد ان احنا نهتز فى قراراتنا بسبب كلام الناس دة يبقى عدم ثقة فينا.
بتهيالى اسلم طريقة انى اشرك ربنا فى كل قراراتى .... يعنى لما يكون موضوع معين حتى لو كان صداقة ... اصلى واطلب ان ربنا يكشفلى ويمكن ربنا يكشف عن طريق كلام الناس بس برضة لازم اتاكد من ان دة من ربنا.
ربنا معاكم ويباركم
اختكم شيرين

أنا رأى يا جماعة انى احط الاساس لحياتى هو اللة واستفيد من خبرات الناس

كلام جميل يا شيرين انتى وكوكو
ربنا يبارككم
احب برضه اسمع باقى الاراء

انا راىء ان تاثير الناس علينا كبير جداا طبعا اهم قرار هو الرب بس احنا بنحط للناس اعتبار كبير جدااا كمان علشان نكون كويسين ونحس بالهتمام منهم والحب ولا اية رايكم؟؟
ربنا يباركم كلكم وشكرا على كلامك اللى بجد كلام حكيم000

الحل انك لو حسبتيها
هاتلاقى انك مستحيل ترضى كل الناس
واراء كل الناس
بيتهيالى احنا لو ركزنا على ربنا يبقى افضل كتيييييييييييييييير

طبعا مش معنى كده اننا مش هانستشير حد
بيتهيألى كلام الناس كانت توتا تقصد بيه الناس العامه اصحابى اخواتى الناس اللى فى الكنيسه
بس لو مثلا انا اتزنقت فى نقطه وملقتلهاش اجابه فى كتابى المقدس
بيتهيألى وقتها ضرورى هسأل بابا او ماما او القسيس بتاع الكنيسه
او اب الاعتراف
او اى حد كبير بثق فى رأيه
لانى لو اتصرفتى من دماغى ممكن ابوظ الدنيا اكتر ما اصلحها